رسايل مخفيه // بقلمي// احمد طلبه

رسايل مخفيه
الرساله الثالثة عشر
==============
محبوبتي
بعد السلام
بعد اللي انا في القلب شايله
ولا عمره يوصف فيه كلام

كل اللي انا برسايلي قايله
إحساس و أكبر م الغرام

ست البنات ياتوأم الروح في الحياه
حلمي اللي بالغربه وعشقي بعيش معاه

أنا في الغربه متصاحب علي صبري
وانا صبري
يادوب جوايا بيعافر في وسط زحام

ماانا اللي غريب بباب الله
وبطلب صبري ع الأيام

وقلبي الحزن نار جواه
لكن في الضحكه ولا بيبان

بقولها ليكي في رسايلي
حبك لا عمره كان حرام

بعد السلام

وحشتيني
ولا كلمه ولا معني هيوصف إني محتاجلك
وبندهلك
وبشتاقلك
ورب الكون أنا باقي
علي عهدي وعلي وعدك

داانا راجع عشان خاطرك
وخاطرك بالجبين مكتوب
ويعلم قلبي انا ربك

بقولهالك يانور عيني
وحق العهد وحشتيني
وحشتيني
================

كلام العاشقين كله لا يوصف اللي جوايا
دا جوايا الحنين كله
لا عمر هيبقي له نهايا

ياليلي وفي الغرام أحساس
ياست الناس
يا اغلي الناس
وأغلي من كنوز الارض
ومن حتي بريق الماس

وحشتيني
بكل معني في الأحساس
يانور عيني

وحشتيني
ولا بعدك تكون واحده في قلبي تاني
ترضيني

يادنيا بوصفها حلمي اللي بتمناه
حبيبتي بحسها قربي دي تبقي حياه

ودا كفايا
تكوني معايا ياحبيبتي لأخر عمري ويايا
ودا كفايا

ودا حلمي
ودا همي
تشوفك عيني وتقبلك
وأكون جمبك

أنا بتمني اعيش وأموت وانا بحضنك
ومش خجلان ولا زعلان
كفايا بس أحس بإني شيء منك

ماانا اللي غريب علي ارضه
وروحه سايبها علي ارضك

ورغم اللي انا كاتمه في إحساسي
لا يمكن احب من بعدك

وحشتيني
ماانا ساكت وهفضل ساكت
مع الشوق اللي كاويني

لأخر نفسي في الدنيا
رضاكي عني يرضيني
وحشتيني
===============
احمد طلبه