--- كلمة بالعامية بعنوان --- السعادة فى الشكر و الرضا
سنين رايحة وسنين جاية ------------ اللى شافها فرحة و هنية
واللى شافها جارحة باسية ------------ واللى شافها زى ما هية
دى قالت انا نسي و منسية -------- ودا قال مدقتش طعم الحنية
واللى قال الله سنة مية مية -------- واللى قال اهى ايام و معدية
-------------------------------------------------------------------
دنيا دلوعة مالهاش حبيب --------- غير اللى راضى بالنصيب
وزمن ارعن طيشه عجيب ------------- بياخذ اكثر ما بيجيب
اللى ياخذ منه حبيب ---------------- واللى يوديه عند الطبيب
المحتاج ينولة النحيب -------------- والتانى يكسبه اليانصيب
--------------------------------------------------------------------
دا يقول يادنيا مين قدى ---------------- ودا يقولها احنيتى قدى
ايامك الروشة ترمح وتعدى -------- وايامك العفشة تتنح وتهدى
دا يقولها ودك وافق ودى ------- ودا يقولها عندك ذاد فى عندى
مدام القضا لا بيدك ولا بيدى ------ نخلي الرضا عندك و عندى
--------------------------------------------------------------------
جرب تشكر الوهاب ----------------- فى الفرح وفى المصاب
جرب تكسب الثواب ------------------ فى الذهاب وفى الاياب
جرب تعمل الصواب -------------------- مهما كانت الاسباب
ينفتح لك الف باب ----------------- تبقى انت و الرضا احباب
بقلمى يوسف ونيس مجلع --- مصر
ليست هناك تعليقات:
إرسال تعليق